5 មតិ

ផាត់សណ្តាយ រាជនី​បណ្តែតទឹក

បើនិយាយ​ពី​ភូមិបណ្តែតទឹក អ្នកច្បាស់​ជានឹកឃើញមុន​គេ បើមិនកំពង់ឃ្លាំង ក៏កំពង់​ភ្លុក ឬក៏ព្រែកទាល់ដែរ។ ប៉ុន្តែ​បើអ្នកបាន​មកលេង​ភូមិ​ផាត់​សណ្តាយ អ្នក​ច្បាស់ជាទាក់ភ្នែក ជាមួយ​នឹងសម្រស់ធម្មជាតិ​ដ៏​ស្រស់ត្រកាល។ ទឹក​ដ៏​ត្រជាក់​ថ្លា​ឈ្វង់ដែល​អ្នក​ស្ទើរ​តែកម្រនឹងបាន​ឃើញ ទេស​ភាព​ព្រៃ​កាដេបកាដុប​ កូនត្រី​តូចៗ​​ហែល​ចុះ​ហែល​ឡើងយ៉ាង​ព្រោងព្រាត ផ្ទះ​បណ្តែត​​ទឹក​សំចត​នៅជិតៗ​គ្នា​យោល​យោគទ្រេត​ទ្រោត​​តាម​ទឹក​រលក កាណូត​បរ​ចុះ​បរ​ឡើង​ឮសូរង៉េង​ង៉ាវ​ម្តងៗ មិន​ត្រឹមតែ​ប៉ុណ្ណោះ​ទេសភាព​ព្រះអាទិត្យ​លិច និង​រះពិត​ជា​ស្អាត​មែន​ទែន មើល​ពីជ្រុង​ណាក៏​ស្អាត។​

20141027_141140

ទិដ្ឋភាពតាម​ដងផ្លូវ​នៅ​ឆ្នុក​ទ្រូ មុន​ចូល​ផាត់សណ្តាយ​ ^_^

ភូមិ​ផាត់​សណ្តាយ​ស្ថិតនៅ​ក្នុង​ឃុំ​ផាត់​សណ្តាយ ស្រុក​កំពង់​ស្វាយ ខេត្ត​កំពង់ធំ។ ភូមិនេះ​ស្ថិត​នៅ​តាមបណ្តោយ​ដង​ស្ទឹង​សែន និងមាន​ទីតាំង​​ជិត​បឹង​ទន្លេសាប និង​ខេត្ត​កំពង់​ឆ្នាំង។ មានពីរ​ផ្លូវ​អាច​ចូល​មក​ដល់​ភូមិ​នេះបាន​ គឺ​មួយ​អាច​​ចូល​មក​តាម​រយៈ​ខេត្តកំពង់​ឆ្នាំង និងមួយ​ទៀត អាច​ចូល​តាម​រយៈ​ខេត្ត​កំពង់ធំ។

បើអ្នក​ធ្វើ​ដំណើរ​ពី​ភ្នំពេញ យល់​ល្អ​គឺ​គួរ​ជិះ​ឡាន​មក​តាមផ្លូវ​ជាតិ​លេខ៥ ចូល​មក​ដល់​ខេត្តកំពង់ឆ្នាំង បត់​ចូល​តាម​ឆ្នុក​ទ្រូ ហើយ​ចុះ​​ទូកទៅ​ផាត់​សណ្តាយ​​ ដោយ​ចំណាយ​ពេលសរុប​​អស់​ប្រមាណ​ជា៤ទៅ៥ម៉ោង​។ ប៉ុន្តែបើ​អ្នក​មក​តាម​​​រយៈផ្លូវ​ជាតិ​លេខ​៦ អ្នក​ប្រហែល​ជា​ចំណាយ​ពេល​ប្រមាណ១០ម៉ោង​ ដោយ​ជិះ​ឡាន​ពី​ភ្នំពេញ​ ឈប់​នៅ​ទីរួមខេត្ត ហើយ​ចុះទូក​នៅ​ផ្សារចាស់​ ទៅ​ភូមិ​ផាត់សណ្តាយ។ បើ​អ្នក​សម្រេចចិត្ត​ទៅ​តាម​កំពង់ធំ នោះ​អ្នក​ត្រូវ​ត្រៀម​ចំណី​អាហារ​ហូប​ចុក​តាម​ទូក និង​មិនគួរ​ញ៉ាំ​ទឹក​ច្រើន​ពេក​ទេ ព្រោះ​ការ​ធ្វើ​ដំណើរ​ពី​ទីរួម​ខេត្ត​កំពង់​ធំ តាមរយៈ​កាណូត ឬទូក​អាច​ចំណាយ​ពេល​ពី​៦ម៉ោង​ទៅ​​៨ម៉ោង។

សាលា​រៀន​បឋម​សិក្សា​នៅ​ផាត់​សណ្តាយ

សាលា​រៀន​បឋម​សិក្សា​នៅ​ផាត់​សណ្តាយ 🙂

ឡូត៍​នេសាទ​ត្រី ដែល​ត្រូវ​បានអាជ្ញាធរ​បិទ​ឈប់​ឲ្យ​ធ្វើសកម្មភាព​តាំង​ពី១០ឆ្នាំមុន ហើយ​ដាក់​ផាត់​សណ្តាយ​ជា​តំបន់​អភិរក្សត្រី​

ឡូត៍​នេសាទ​ត្រី (ផ្ទះ​វែង​ដឺែល​ទ្រុឌទ្រោម) ដែល​ត្រូវ​បានអាជ្ញាធរ​បិទ​ឈប់​ឲ្យ​ធ្វើសកម្មភាព​តាំង​ពី១០ឆ្នាំមុន ហើយ​ដាក់​ផាត់​សណ្តាយ​ជា​តំបន់​អភិរក្សត្រី​

ផ្ទះ​បណ្តែត​ទឹក​​ដែល​មាន​សព្វថ្ងៃ​គេ​យក​ពាង​ជំនួស​ពុយ(ធុង​សាំង​ធំៗ)​សម្រាប់​បណ្តែត​ផ្ទះ​ឲ្យ​មាន​លំនឹងល្អ​

ផ្ទះ​បណ្តែត​ទឹក​​ដែល​មាន​សព្វថ្ងៃ​គេ​យក​ពាង​ជំនួស​ពុយ(ធុង​សាំង​ធំៗ)​សម្រាប់​បណ្តែត​ផ្ទះ​ឲ្យ​មាន​លំនឹងល្អ​

20141027_152519

ផ្ទះ​សង់​លើទូក តូច​ល្្មមសម្រាប់នៅ​

20141027_150632

ផ្ទះ​តូច និង​ទូក​ដែល​អ្នកភូមិ​តែងប្រើប្រាស់។ ភាគច្រើន​គេប្រើ​ទូកជ័រ ដែលមានតម្លើងម៉ាស៊ីន សម្រាប់ធ្វើ​ដំណើរ​ទៅ​មក ដូច​ជា​ទៅផ្សារ​នៅ​ឆ្នុក​ទ្រូ ទិញ​ឥវ៉ាន់​ចាប់ហួយ​ជិតៗ ឬ​ទៅ​មើល​លប​នៅតំបន់នេសាទ។​

ត្រីងៀត​ដែល​ប្រជាជន​តែង​វះ​ហាលប្រឡាក់​ខ្លួន​ឯង

ត្រីងៀត​ដែល​ប្រជាជន​តែង​វះ​ហាលប្រឡាក់​ខ្លួន​ឯង តាមផ្ទះ​

20141027_151318

ត្រី​កន្ទាស់​ភ្លុក ដែល​ស្ទូច​ដាក់​បាយ​ ដាក់បានៗ

ឆ្លៀត​ពេល​ទំនេរ គួរ​តែ​នាំគ្នា​ទៅងូត​ទឹក​កណ្តាល​ទន្លេ ហ៊ុលៗៗៗ

ឆ្លៀត​ពេល​ទំនេរ គួរ​តែ​នាំគ្នា​ទៅងូត​ទឹក​កណ្តាល​ទន្លេ ហ៊ុលៗៗៗ

ផាត់​សណ្តាយ​មិន​ត្រឹមតែជាភូមិ​មួយ​ដ៏ស្រស់​ស្អាត តែ​ក៏ជា​​ទីប្រជុំ​កន្លែង​ធ្វើ​ប្រហុក​ ត្រីងៀត និង​ត្រី​ឆ្អើរ​ដែល​ល្អ​ជាង​គេ​ក្នុង​ស្រុកយើង។ អ្នក​គួរ​តែ​ទៅ​ទីនោះ ដើម្បី​ទស្សនា​នូវ​ទេសភាព​ដ៏ស្រស់ត្រកាល រៀន​សូត្រ​ពី​របៀបរបរ​រស់នៅ​ប្រជាជន និងទិញ​ត្រី​ប្រហុក​។ បើ​អ្នក​បានទៅ ធានា​ថា​​មិន​ខកបំណង 😉

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out /  ផ្លាស់ប្តូរ )

Google photo

អ្នក​កំពុង​បញ្ចេញ​មតិ​ដោយ​ប្រើ​គណនី Google របស់​អ្នក​។ Log Out /  ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out /  ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out /  ផ្លាស់ប្តូរ )

កំពុង​ភ្ជាប់​ទៅ​កាន់ %s

<span>%d</span> bloggers like this: