បញ្ចេញមតិ

ខុស

៤​ តុលា ២០១៤

ខ្ញុំ​យំ​ជារឿយៗ ខ្ញុំយំ​នឹង​រឿង​ដដែលៗ។ ខ្ញុំ​យំ​សួរ​ខ្លួនឯង ហេតុ​អីបាន​តែង​តែ​យំ? តើ​ខ្ញុំ​យំ ដោយ​សារ​តែ​អាណិត​ខ្លួន​ឯង​ឬ? ឬ​មួយ​ខ្ញុំយំ ដោយ​សារ​តែ​ចង់ឲ្យ​គេ​អាណិត?​ ខ្ញុំ​យំ​តូច​ចិត្ត​​​ ហេតុ​អី​បាន​ជា​គាត់​តែង​តែ​ធ្វើ​ដាក់​ខ្ញុំបែប​នេះ​? ខ្ញុំ​មនុស្ស​តើ! ខ្ញុំ​ចេះ​ឈឺ។

ឥឡូវខ្ញុំ​អាយុ​២៤ឆ្នាំហើយ តែ​គាត់​នៅ​តែ​វាយ​ខ្ញុំ នៅ​តែ​ទាត់​ធាក់​បោច​សក់​​ខ្ញុំ​ដូចជាសត្វធាតុ។ តើ​ខ្ញុំ​ខុស​អី? ខុសអី​ទៅ? ខុស! ខុស​រហូត!

អូខេ! ខ្ញុំ​ខុស! ខ្ញុំ​ខុស ដែល​ខ្ញុំ​នៅ​តែ​មិន​ទាន់​ស្លាប់​។ ខ្ញុំ​ខុស ដែល​ខ្ញុំនៅ​​ទ្រាំ​រស់នៅ​ជាមួយ​គាត់។ ខ្ញុំ​ខុស ដែល​ខ្ញុំ​នៅ​មាន​សតិ​ខុស​ពីគាត់។ ខ្ញុំ​ខុស ដែល​ខ្ញុំ​នៅ​តែ​អាណិត​គាត់។ ខ្ញុំ​ខុស​ ដែលខ្ញុំ​នៅ​តែ​ស្រលាញ់គាត់។​

ប៉ុន្តែ​ បើ​ខ្ញុំ​ស្លាប់ នោះ​រឿង​ទាំង​អស់នឹង​ប្រែ។ ខ្ញុំ​នឹង​លែង​ខុស ហើយ​ខ្ញុំក៏​លែង​ឮ​ចេញ​ពី​មាត់​មនុស្សម្នាថា ខ្ញុំ​ខុស​នេះ ខ្ញុំ​ខុស​នោះ។ ពួក​គេ​នឹង​ស្ដាយ​៖​ «ហេតុ​អីគ្នា​មិន​រត់ទៅ? ហេតុ​អី​ទ្រាំ​នៅ​ជាមួយ​មនុស្ស​បែប​នេះ​ធ្វើ​អី? បើ​ខ្ញុំវិញ ខ្ញុំមិន​នៅ​ទេ ឲ្យ​តែ​បែបនេះៗ​នោះ»។ ហើយ​ពួក​គេ​នឹង​បន្ទោស៖ «ហេតុ​អីបាន​ជា​បងប្អូន​សាច់ញាតិ​របស់​អ្នក​ផ្ទះ​នេះ ហេតុ​អី​ក៏​ដាច់​ចិត្ត​ម៉េះ មិន​អើ​ពើ មិន​យក​ចិត្ត​ទុកដាក់ ចេះ​បណ្ដោយ​ឲ្យ​គ្នា​​រស់នៅ​ជាមួយ​ម្តាយ​ឆ្កួត​បែប​នេះ​ទៅ​កើត។ ឃើញ​ទេ មនុស្ស​ស្លាប់​ហើយ តើ​បន្ទោស​អ្នកណា? បន្ទោសមនុស្ស​ឆ្កួតឬ?​»៕​

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out /  ផ្លាស់ប្តូរ )

Google photo

អ្នក​កំពុង​បញ្ចេញ​មតិ​ដោយ​ប្រើ​គណនី Google របស់​អ្នក​។ Log Out /  ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out /  ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out /  ផ្លាស់ប្តូរ )

កំពុង​ភ្ជាប់​ទៅ​កាន់ %s

<span>%d</span> bloggers like this: