2 មតិ

អារម្មណ៍​សំណល់​

១៦ កក្កដា ២០១៤

នេះ​គ្រាន់​តែ​ជា​អារម្មណ៍​​សំណល់​ សល់​ពីប៉ុន្មាន​ថ្ងៃ​មុន…

ឲ្យ​តែ​ជួប​ស្ថានភាព​បែប​ហ្នឹង គឺ​ខ្ញុំ​តឹង​ចិត្ត​តែរហូត។ អង្គុយ​នៅ​ស្ងៀម​ប៉ុន្មាន​ម៉ោង ស្តាប់​គេនិយាយ ស្តាប់គេប្រកែក​គ្នា​តាម​ទម្រង់​ការទូត។ អារម្មណ៍​បែបនេះ ធ្លាប់​ជួប​ទេ? អារម្មណ៍​ងងុយ​ដេក តែ​​លួចបិទ​ភ្នែក​​មិន​បាន។

«អនាគត​អក្សរសិល្ប៍​ខ្មែរ» ​តើ​អាច​មាន​អនាគត​ទេ បើសិន​ជាម្នាក់​ៗ​គិត​តែ​រៀងៗ​ខ្លួន? ចង់​ឈ្នះ​តែ​រៀងៗ​ខ្លួន? យក​គំនិត​ខ្លួន​ឯង​ជា​ធំ?

តើ​អ្នក​គិត​ថា​ឥន្ទធនូមាន​រាង​យ៉ាង​ម៉េច​ទៅ? មាន​រាង​ជា​កន្លះ​រង្វង់​ដូច​ដែលឃើញ​សព្វថ្ងៃ​ឬ? ការ​ពិត​ទៅ ឥន្ទធនូ​ វា​មាន​រាង​ជា​រង្វង់​មូល​ពេញ​តែ​ម្តង បើ​សិន​ណា​យើង​មើល​វា​ពី​ទី​ខ្ពស់​មួយ ដែល​ខ្ពស់​ជាង​វា។​

បើ​សិន​ជា​យើង​ចង់​បណ្តុះគ្រាប់​ពូជ​ថ្មី តើ​ដី​ដ៏​រឹង​ហាប់​ណែន​ អាច​ជា​ទីពឹងសម្រាប់​គ្រាប់ពូជ​បាន​ទេ? ខ្ញុំ​ដឹង ថា​ចម្លើយ​អ្នក​នឹង​ឆ្លើយ​ទេ។ ខ្ញុំក៏​ឆ្លើយ​ថា​ទេ​ដូច​គ្នា។ ដូច្នេះ ដំណោះស្រាយ មាន​តែ​យក​ដី​នោះ​មក​កាប់​ឆាយ ឬ​ក៏​ភ្ជួរ​រាស់។ បើ​មិន​ចឹង​ទេ ធ្វើ​ម្តេច​​នឹង​អាច​ឲ្យ​ទឹក​ជ្រាប​ចូល​ដី​នោះ​បាន​យ៉ាង​ល្អ? ហើយ​ពន្លកនឹង​ដុះមក​យ៉ាង​ល្អនោះ?

ចំណេះ​ដឹង​របស់​មនុស្ស​ក៏​ដូច​គ្នា។ ចំណេះ​ដឹង​របស់​មនុស្ស​មានកម្រិត។ ​មិន​សំខាន់​ថា អ្នក​រៀន​សូត្រ​ដល់ថ្នាក់​បណ្ឌិត ឬ​ក៏​មាន​កេរ្តិ៍​ឈ្មោះ​សុះសាយ​នៅ​ក្នុង​សង្គមនោះ​ទេ សូម​កុំ​ប្រកាន់​ខ្លួន​ជាដី​ដ៏​រឹង​ហាប់​ណែន បើ​មិនចឹង​ទេ ចំណេះ​ដឹង​ដែល​ប្រៀប​ដូច​ជា​តំណក់ទឹក​នោះ ធ្វើ​ម្តេច​នឹង​អាច​ងាយ​ជ្រាប​ចូល​បាន?​ ធ្វើ​ម្តេច​នឹង​អាច​ឲ្យ​​ពន្លកថ្មី​ដុះ​​លូតយ៉ាង​ងាយ​ស្រួល​បាន?

វា​គ្រាន់​តែ​ជា​អារម្មណ៍​សំណល់… សុំទោស ប្រសិន​បើ​អាន​ទៅ វា​ជា​អារម្មណ៍​ប្រដៅ…

2 comments on “អារម្មណ៍​សំណល់​

  1. មិនដឹងអ្នកណាទេ ថា​ចង់​ឈប់​សរសេរ​អីនេះអីនោះ ហាហាហាហា

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out /  ផ្លាស់ប្តូរ )

Google photo

អ្នក​កំពុង​បញ្ចេញ​មតិ​ដោយ​ប្រើ​គណនី Google របស់​អ្នក​។ Log Out /  ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out /  ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out /  ផ្លាស់ប្តូរ )

កំពុង​ភ្ជាប់​ទៅ​កាន់ %s

<span>%d</span> bloggers like this: