4 មតិ

ចិត្ត​គេ​ ចិត្ត​យើង​

១២ មេសា ២០១៤

យប់មិញ​នេះ ខ្ញុំហៀប​នឹងដេក​​លក់​ទៅ​ហើយ ស្រាប់​តែ​ឮ​សំឡេង​អ៊ី​ខ្ញុំឡូឡា​ពី​ផ្ទះខាង​ណោះ​ ក៏​ធ្វើ​ឲ្យ​ខ្ញុំ​ភ្ញាក់​ ខ្ញុំ​គិត ខ្ញុំ​ខ្វល់។ ខ្ញុំ​ក៏​ក្រោក​ទៅរក​អី​អាន អាន​ក៏​មិន​ចូល។​ ខ្ញុំ​ក៏បើក​ហ្វេសប៊ុកមើល​រូប​ថត​ចាស់ៗ។ ប៉ុន្តែ​ខ្ញុំ​នៅ​បន្លប់​ខ្លួន​ឯងមិន​បាន​។​

ខ្ញុំ​គិត​ ខ្ញុំបារម្ភ តែ​គួរ​ឲ្យ​ស្តាយ ខ្ញុំ​ជួយ​អី​មិន​បាន។ប្រសិន​បើ​ខ្ញុំមាន​លុយ ប្រសិនបើ​ខ្ញុំ​មាន​លទ្ធភាព​អាច​សម្រេច​អ្វីៗបាន​គ្រប់យ៉ាង រឿង​ប្រហែលជា​មិនធ្លាក់​ដល់​ដំណាក់​កាល​នេះ​ តើពិត​មែន​ទេ?​

ខ្ញុំ​អាណិត​ក្មេងៗ ខ្ញុំអាណិតគាត់។ ខ្ញុំ​អាណិត​ក្មេងធំ ព្រោះ​យល់​ពី​សំពាធ​ចិត្ត ដែល​រង​នូវ​អំពើ​វិកល​របស់ម្តាយ។ ខ្ញុំខ្លាច​គ្នា​គិត​ខ្លី ខ្ញុំ​ខ្លាច​គ្នា​មាន​គំនិត​ខ្មាសគេ មិន​ខ្វល់​ពី​ការ​រៀន​សូត្រ គិត​ធ្វើ​ស្អី​មិន​គួរ​គប្បី។ ខ្ញុំ​បារម្ភ​​ពី​ក្មេង​តូចៗ ដែលគ្នា​ទៅថ្ងៃមុខ នឹង​ខ្វះ​ភាព​កក់​ក្តៅ។ ខ្ញុំ​អាណិត​អ៊ី ដែលគាត់​ត្រូវ​ចូល​ទៅ​នៅ​ក្នុង​ពិភព​មួយ​ទៀត ដែលមនុស្ស​គ្រប់គ្នា យល់​មិនដល់​ពី​គាត់។​

ហ៊ឺម! ប្រសិន​បើបង​ប្អូន​ចេះ​ស្រលាញ់​គ្នា ចេះ​ចែក​រំលែក​គ្នា រឿង​នឹង​មិនធ្លាក់​ដល់ដំណាក់​កាល​នេះ​ តើ​មែនទេ?

«នេះ​ហើយ​ជា​កម្មពៀរ​ដែល​វា​បាន​សាង» អ៊ី​ថ្លៃ​ខ្ញុំ​ថា៕

4 comments on “ចិត្ត​គេ​ ចិត្ត​យើង​

  1. អ្វីដែលប្អូន គួរធ្វើ គឺធ្វើសេចក្ដីអធិដ្នាន ចំពោះពួកគេណា !
    នេះ ជាទឹកចិត្ដមួយ ដែលប្អុន អាចធ្វើបាន ដោយសេចក្ដីល្អ
    និងសុទ្ធចិត្ដបំផុត ។

    ការគ្រាន់តែអង្គុយដកដង្ហើមធំ រៀបរាប់នេះ ឬនោះ មិនអាចជួយអ្វី
    ដល់ពួកគាត់ ឬខ្លួនប្អុនបានឡើយ ។ ចូរព្យាយាមអធិដ្ឋាន ឲ្យបានប្រចាំ
    ឲ្យបានខ្លាំង ចំពោះមនុស្សគ្រប់រូប … ហើយកសាងសមត្ថភាពខ្លួន ឲ្យបាន
    ប្រសើរទៅៗ ! ថ្ងៃនេះ១ យើងអាចជួយ ដល់ជនទាំងនោះ ក្នុងចំណែកខ្លះៗ
    បាន !! យើងអាចជួយបាន ៗៗៗៗ យើងអាចធ្វើអ្វីខ្លះបាន ចំពោះពួកគេ ។

    ធ្វើដូច្នោះ ទឹកចិត្ដប្អូន នឹងរឹងប៉ឹងទៅៗ ! នឹងកាន់តែល្អទៅៗ ! នឹងកាន់តែ
    មោះមុតទៅៗ ! នឹងកាន់តែកសាងសេចក្ដីព្យាយាមទៅៗ ដើម្បីអនាគត
    ខ្លួនផង និងអ្នកដទៃផង ។

    ពិភពលោក មនុស្សរស់នៅពោរពេញដោយទុក្ខ និងសេចក្ដីលំបាក ។
    សាកគិតថា ឱ !! តើអាត្មាអញ អាចជួយអ្វីខ្លះបានដែរហ្ន ចំពោះពួកគេ ?

  2. ចិត្ត​គេ ចិត្ត​យើង មិនពាក់ព័ន្ធគ្នាទេ!
    «នត្ថិ សន្តិ បរំ សុខំ»

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out /  ផ្លាស់ប្តូរ )

Google photo

អ្នក​កំពុង​បញ្ចេញ​មតិ​ដោយ​ប្រើ​គណនី Google របស់​អ្នក​។ Log Out /  ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out /  ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out /  ផ្លាស់ប្តូរ )

កំពុង​ភ្ជាប់​ទៅ​កាន់ %s

<span>%d</span> bloggers like this: