ខ្ញុំដឹងតាំងពីដំបូងថាវាជាធម្មជាតិ…
ម្សិលមិញនេះ ពេលដែលខ្ញុំយកឯកសារទៅកូពី ខ្ញុំក៏បានជួបប្អូនប្រុសខ្ញុំដោយចៃដន្យ។ ការពិតទៅ គាត់មិនមែនជាប្អូនប្រុសជាប់សាច់ឈាមអីនឹងខ្ញុំនោះទេ។ តែនិយាយពីភាពស្និទ្ធស្នាល ខ្ញុំនិងគាត់ស្និទ្ធណាស់ ចង់ស្និទ្ធស្អិតជាងស្ករតាំងម៉ែទៅទៀត ព្រោះអីខ្ញុំស្គាល់គាត់តាំងពីគាត់កើតមកអេះង៉ាម៉េះ ហើយជាពិសេសជាដៃគូលេងជាមួយខ្ញុំ ជាពិសេសលេងកូនក្រមុំ និងដេរខោអាវ។ (មែន! កាលពីតូច ខ្ញុំចរិតស្រីសុទ្ធម៉ង់)
ខ្ញុំដើរត្រុកៗទៅកូពី គាត់ឃើញខ្ញុំក៏ហៅខ្ញុំឈប់ត្រក់។ គ្រាន់តែឮសំឡេងគាត់ស្រែកហៅខ្ញុំ ខ្ញុំប៊ិះតែគាំងបេះដូង។
«ចែហួយ! យកហ្វេសប៊ុកខ្ញុំអត់? ខ្ញុំមានហ្វេសប៊ុកហើយ!» (ហួយ ឈ្មោះក្រៅខ្ញុំមួយទៀត)
«ចាំមើលណា៎! រូបខ្ញុំធ្វើស្រី ស្អាតណាស់ណា៎! ហ្វេសប៊ុកហ្នឹង សង្សារបង្កើតឲ្យហ្ន៎» (ប្អូនខ្ញុំបន្ថែម)
«សង្សារខ្ញុំប្រុសណា៎» (ប្អូនខ្ញុំនិយាយរហូត ខ្ញុំមិនទាន់ដាក់អីម៉ាម៉ាត់ផង ហះៗៗ)
«ឯណាទៅហ្វេសប៊ុកហ្អែង? កុំឲ្យដូចមុនទៀត គ្រាន់តែហ្វេសប៊ុកខ្លួនឯង ក៏មិនចាំ» (ដាក់ម៉ាម៉ាត់ខ្លះ កុំឲ្យថាខ្ញុំអត់និយាយអីសោះ)
ពិតជាដូចគាត់ថាមែន! រូបគាត់តែងស្រី ពិតជាស្អាតមែន ឃ្យូតមែន អាចរាប់ថា ជាលំដាប់ស្រីស្អាត ឃើញហើយពិតជាគួរឲ្យចង់ធ្លាក់ក្នុងលូស្នេហ៍មែន… ហ៊ឺម… ឯសង្សារគេក៏សង្ហារមិនណយដែរ…
ស្មៅ 
អាយុប៉ុន្មាន ប្អូនប្រុសហ្នឹង?
អាយុ១៦
ចប់មួយបាត់! ១៦ទៅជាអីចឹងហើយ! ចុះ account ឈ្មោះអី ចង់មើលមុខទិចមើល! ផ្ញើតំណឲ្យមើល តាម គណនីខ្ញុំម៉ោ ពៅអើយ
សុំទោស! បើគ្មានការអនុញ្ញាតពីម្ចាស់គណនី ខ្ញុំមិនអាចប្រាប់បានទេ ព្រោះវាទាក់ទងទៅនឹងរឿងកិត្តិយស និងកេរ្តិ៍ឈ្មោះ…
អ៎រ ចឹងមិនអីទេ i understand this situation 🙂
អរគុណ 🙂
យ៉ាងម៉េចយ៉ាងណា កុំលួចស្រលាញ់ស្រីៗតាមហ្វេសប៊ុកច្រើនពេក ប្រយ័ត្នប៉ះចំប្អូនខ្ញុំ 😀
ប៉ះក៏ប៉ះទៅ អត់បញ្ហា 😆
ខ្វេះបុកពេលនេះ ប្រើមិនកើត ព្រោះយួនប្លុក IP បាត់ហើយ មានតែមកទីនេះ លងគេលងឯង។
ម៉េចបានប្លុកចឹង?
បើធ្លាក់លូស្នេហ៍ ស្អុយដែរអត់???
ឃ្លានឆ្ងាញ់ ស្រលាញ់ល្អ ទោះជាក្នុងលូ ក៏នៅក្រអូប ហះៗៗៗ
😛 ប្រហែលជាធ្លាប់ធ្លាក់ហើយបានច្បាស់អីម៉េះ!
ខ្ញុំទីប្រឹក្សាវិបត្តិស្នេហា ធ្វើម៉េចមិនដឹង
បាត់យូរណាស់ហើយ ឥឡូវលើកមកទៀតហើយ កញ្ញាជូរអែម!
បងនិយាយអំពីអី? ខ្ញុំអានអត់យល់!