បញ្ចេញមតិ

ប្រកួត

ឲ្យ​តែ​និយាយ​ពី​រឿង​ការ​ប្រកួត​ប្រជែង ខ្ញុំ​គ្មាន​ចំណូល​ចិត្ត​ទេ ព្រោះ​ដោយ​សារ​តែ​សណ្តាន​ចរិក​ខ្ជិល​របស់​ខ្ញុំ។ មិន​ថា​ការ​រៀន ការ​ធ្វើការ ឬ​ក៏​ធ្វើ​អ្វី​ផ្សេងៗ ឲ្យ​តែ​មាន​លក្ខណៈ​រាង​ប្រកួត​ប្រជែង​ស្អី​តិច ដឹង​តែ​បាត់មុខ​ខ្ញុំ​ជ្រៀប។ និយាយ​ទៅ ខ្ញុំ​ជា​មេ​កំពូល​ខ្ជិល​ លើក​លែង​តែ​ការ​ដេក និង​ស៊ី ដែល​ខ្ញុំ​រអែង​ជាង​គេ។​

នៅ​សុខៗ​ក៏​ស្រាប់​តែ​អស់​សំណើច។ អស់​សំណើច​នឹង​ខ្លួន​ឯង ដែល​យូរៗ​ធុញ​នឹង​ចរិត​ខ្ជិល​មួយ​នេះ។ មូល​ហេតុ​ គឺ​គ្មាន​ស្អី​ច្រើន​នោះ​ទេ ក្រៅ​ពី​អត់​លុយ​ចាយ។​

ឥឡូវ​នេះ ខ្ញុំ​អាយុ​២២ឆ្នាំ។ បើ​ប្រៀប​ធៀប ខ្ញុំ​ពិត​ជា​អន់​មែន។ អាយុ​ប៉ុណ្ណេះ​ហើយ រក​លុយ​ចាយ​ចិញ្ចឹម​ខ្លួន​ឯង​អត់​រស់​ផង។ ស្អប់! ស្អប់​មែនទែន! ស្អប់​​ទៅ​នឹង​អាចរិត​ខ្ជិល​របស់​ខ្ញុំ! អាចរិត​ខ្ជិលដែល​ធ្វើ​ឲ្យ​ខ្ញុំ​ដើរ​ថយ​ក្រោយ 😦

បើ​ប្រៀប​ធៀប ប​ងប្រុស​បន្ទាប់​ខ្ញុំ បង​ខ្ញុំ​តែ​បួន​ឆ្នាំ គាត់​គ្រាន់​បើ​ជាង​ខ្ញុំ​ឆ្ងាយ​ណាស់ ខាង​លុយ​កាក់។ មួយ​ខែៗ គាត់​យ៉ាង​ហោច​ណាស់ ក៏​អាច​រក​បាន​ជិត​មួយ​ពាន់។​ ឯ​ខ្ញុំ​វិញ បើ​ឧស្សាហ៍​ខ្លាំង​ពេក អស់​ធំ​ហើយ បាន​ជិត​បីរយ តែ​បើ​ខ្ជិល​ដូច​ឡូវ សង្ឃឹម​លើ​ការងារ​កន្លះ​ថ្ងៃ​ អស់​ធំ​ហើយ បាន​មួយ​រយ​ជាង។ អស់​ពាក្យ​និយាយ ក្រៅ​ពី​ជេរ​ស្តី​ថា​ខ្លួន​ឯង​ពិត​ជា​ចោល​ម្សៀត​មែន!

ខ្ញុំ​មិន​ដឹង​ថា ឥឡូវ​នេះ គួរ​តែ​កែ​ខៃ​ខ្លួន​ឯង​ឲ្យ​ម៉េច​ល្អ​ទេ។ ពេល​ខ្លះ ពិត​ជា​ចង់​ឯករាជ្យ និង​ធ្វើ​ជា​មនុស្ស​បាន​ការ​បន្តិច តែ​ដល់​ពេល​គិត​ទៅ​ដល់​បន្ទុក ភាព​ខ្ជិល ភាព​ទារុណ​ និង​ភាព​ឈឺ​ម្ហបៗ ខ្ញុំ​ក៏​នឿយ​ណាយ​ឈប់​គិត​ថា​ ខ្លួន​ឯង​ចង់​ឯករាជ្យ។

«ខ្ញុំ​ចង់​ប្រកួត ខ្ញុំ​ចង់​ប្រជែង ខ្ញុំ​ចង់​ដឹង​ដល់​ហើយ ដល់​ពេល​ដែល​ខ្ញុំ​អាយុ​បាន​២៦ឆ្នាំ ខ្ញុំ​ក្នុង​មួយ​ខែ រក​បាន​ប៉ុន្មាន? បាន​ជិត​មួយ​ពាន់​ដែរទេ?»

ខ្ញុំ​សង្ឃឹម​ថា ខ្ញុំ​នឹង​អាច​ប្តេជ្ញា​បាន​ដូចនេះ តែ​ក៏​ស្រាប់​តែ​អស់​សង្ឃឹម​នឹង​សំណួរ​មួយ​ចោទ​ថា តើ​ខ្ញុំ​​អាច​មាន​លទ្ធភាព​រស់​ដល់​ពេល​នោះ​ទេ? ចម្លើយ​មាន​តែ​ចប់ ដោយ​ការ​ដក​ដង្ហើម​ធំ និង​ច្រឡូក​ច្រឡំ​ជាមួយ​ភាព​ស្រពិច​ស្រពិល​…

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out /  ផ្លាស់ប្តូរ )

Google photo

អ្នក​កំពុង​បញ្ចេញ​មតិ​ដោយ​ប្រើ​គណនី Google របស់​អ្នក​។ Log Out /  ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out /  ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out /  ផ្លាស់ប្តូរ )

កំពុង​ភ្ជាប់​ទៅ​កាន់ %s

<span>%d</span> bloggers like this: