2 មតិ

ម៉ែ​កូន​ពីរ

២១​​ មីនា ២០១៣

អាកាស​ធាតុ​ក្តៅ ត្រូវ​នឹង​ចិត្ត​ហ្មង​សៅ លែង​មាន​ពាក្យបរិយាយ មាន​តែ​ពាក្យ​រអ៊ូ​។ ហ៊ឹម! ខ្ជិល​ៗៗៗ… ខ្ជិល​ម៉ង់!

ឥឡូវ​មាន​តែ​អង្គុយ​ចាំ​រាប់​ថ្ងៃ​ត្រឡប់​ថយ​ក្រោយ។ តើ​នៅ​សល់​ប៉ុន្មាន​ថ្ងៃ​ទៀត​ទៅ​ហ្ន៎ ទើប​ដល់​ពេល​ដែល​ខ្ញុំ​ដើរ​ទាត់​ខ្យល់? សល់​១០ថ្ងៃ​ទៀត ប្រសិន​បើ​ចាប់​រាប់​ពី​ថ្ងៃ​នេះ។

ពីរ​បី​ខែ​មុន ខំ​រៀប​ចំ​គម្រោង​ថា​ចង់​ធ្វើ​នេះ​ធ្វើ​នោះ តែ​បាន​ត្រឹម​តែ​គិត។ ចង់​សន្សំ​លុយទុក​ទៅ​ដើរ​លេង​ឆ្លង​ខេត្ត​ហ្នឹង​គេ​ម្តង តែ​មាន​អី… ហះៗៗៗ សន្សំ​លុយ​ទុក​ឲ្យ​ពេទ្យ ទុក​ឲ្យ​ថ្លៃ​ថ្នាំ​វិញ​បាន​ត្រូវ។ ជីវិត​ហាក់​ដូច​ជា​ធ្វើ​ឲ្យ​មនុស្ស​ភ្ញាក់​ផ្អើល ម្តង​ឈឺ ម្តង​មាន​បញ្ហា​នេះ​នោះ​មិន​ចេះ​ចប់។ ពេល​ខ្លះ ខ្ញុំ​ក៏​ចោទ​សួរ​ខ្លួន​ឯង​ថា បើ​ខ្ញុំ​មាន​តែ​ខ្លួន​មួយ មិន​ដឹង​ជា​ល្អ​ប៉ុណ្ណា ព្រោះ​ងាប់​រស់ ក៏​ជា​រឿង​តែ​ខ្លួន​មួយ មិន​ចាំបាច់​ពាក់​ព័ន្ធ​ទៅ​នឹង​អ្នកណា។

ខែនេះ ខ្ញុំ​មិន​ខុស​ពី​ម្តាយម្នាក់​ដែល​មាន​កូនពីរ។​ រំលឹក​ពី​ស្ថាន​ភាព​នេះ ធ្វើ​ឲ្យ​ខ្ញុំនឹក​ស្រណោះ​ដល់​ម្តាយ​គ្រប់​រូប​ដែល​មាន​តែ​ខ្លួន​មួយ ខំ​រក​លុយតក់ៗ រត់​មក​ចិញ្ចឹម​មើល​កូន​តូចៗ។ ហត់! ល្វើយ! សម្រាក​បាន​តិចៗ! បាយ​មិន​សូវ​ឆ្ងាញ់ ដេក​មិន​សូវ​គ្រប់ ហ៊ឺម… ពិត​ជា​យល់​ហើយ ពី​ជីវិត​របស់​មាតា។

«ហ៊ើយ! កាល​ណា​ទៅ​ ទើប​មាន​ទេវបុត្រ​ជិះ​សេះ​ស​​យក​មាស​ម៉ាហិប​មក​ឲ្យ​ទៅ​វ៉ើយ?»

«ដេក​ចាំ​ ដាំ​ចេក​ទៅ​មីនាង! សម័យ​នេះ មិន​មែន​សម័យ​ព្រះ​នាង​ព្រិល​សទេ​វ៉ើយ»

ហះៗៗ… ពេល​ខ្លះ ក៏​គិត​លេងៗ​ ប្រសិន​បើ​សម័យ​នេះ​មាន​ទេវបុត្រ​យក​មាស​ម៉ា​ហិប​មក​ឲ្យ មិន​ដឹង​ជាឡូយ​យ៉ាង​ណា ហើយ​ក៏​មិន​ដឹង​ថា​ ខ្ញុំ​ចាស់​គំរិល​ប៉ុណ្ណា ​ដែល​​សុខៗ​ ស្រាប់​តែ​មាន​គំនិត​ចង់​ឲ្យ​មាន​បែប​នេះ។ សម័យ​សក់​អាណា​ក្បាល​អាហ្នឹង សម័យ​អាត្មានិយម​របស់​មនុស្ស​លោក មិន​ដឹង​ជា​ខ្ញុំ​អាច​ស៊ូ​ទ្រាំ​រស់​ដល់​កាល? ហើយ​ក៏​មិន​ដឹង​កាល ខ្ញុំ​អាច​រៀន​ធ្វើ​ជា​មនុស្ស​អាត្មា​និយម​ហ្នឹង​គេ? ហ៊ឺយ! វេទនា វានេទ 😦

2 comments on “ម៉ែ​កូន​ពីរ

  1. ក្នុងបឹងមានត្រីពោរពាស មនុស្សរកមិនបាន គឺបន្ទោសមនុស្ស
    ប៉ុន្តែបើក្នុងបឹងគ្មានត្រី ឬមិនសម្បូរត្រី មនុស្សរកមិនបាន ឬបានដោយកម្រ
    ត្រូវបន្ទោសធម្មជាតិ ឬបឹង នោះឯង.

    កម្ពុជា កំណើតមាស ឬទឹកដីដែលសម្បូរមាស. ចាំបាច់ទេវបុត្រជិះ
    សេះស យកមាសមកទំលាក់ទៀតដែរអី បើក្រោមផ្ទះយើងម្នាក់ៗ
    សុទ្ធតែមាសហើយហ្នឹង ?

    💐💐💐💐

  2. សេះខ្ញុំចាប់យកស្ងោរស៊ុបអស់​ហើយបង ដូច្នេះអត់មានសេះជិះយកមាសទៅឲ្យបងទេ!

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out /  ផ្លាស់ប្តូរ )

Google photo

អ្នក​កំពុង​បញ្ចេញ​មតិ​ដោយ​ប្រើ​គណនី Google របស់​អ្នក​។ Log Out /  ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out /  ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out /  ផ្លាស់ប្តូរ )

កំពុង​ភ្ជាប់​ទៅ​កាន់ %s

<span>%d</span> bloggers like this: