០៧ កុម្ភៈ ២០១៣
បន្ទាប់ពីចេញពីធ្វើការ ខ្ញុំក៏មកដល់ផ្ទះ ដោយនឹកសង្ឃឹមថា នឹងបានទៅរៀនលឿនជាងសព្វដង។ តែចៃដន្យអី អណ្តូងស្នប់ខូច។ សូម្បីតែទឹកមួយតំណក់ក្នុងផ្ទះក៏គ្មាន។ ដោយគ្មានជម្រើស និងហេតុចង់សម្អាតកាយឲ្យជ្រះប្រេងម៉ាស៊ីនដែលប្រលាក់យ៉ាងប្រមេញប្រមោឃនោះ ខ្ញុំក៏ប្រញាប់យ៉ាងលឿន រត់ទៅខ្ចីសោរអ្នកជិតខាង។ លុះបានហើយ ចាប់ផ្តើមមួលៗ មើលទៅទំនងជាអ្នកអាជីពដែរតើ! មួលខ្ចៅរួច ចាប់ផ្តើមលើកក្បាលអណ្តូងចេញ។ ហ៊ឺម ដឹងមូលហេតុហើយ ហេតុអីបានជាសប់មិនចេញទឹក។
«ម៉ាក់ឲ្យលុយមក ខ្ញុំទៅទិញអានេះម៉ាភ្លែត»
«ចុះលុយហ្អែងទៅណា?»
«…» 😀
«ប្រាំពាន់! សល់លុយ អាប់មកវិញ!»
បានលុយ ប្រែន! សំណាងហើយ គេមិនទាន់បិទទ្វារ។ ទិញខ្ចៅ ទិញខ្យង ទិញចានអណ្តូង សរុបលុយ អស់៤៥០០លុយខ្មែរ។ សល់៥០០ បើគិតថ្លៃសាំង ល្មមដែរ។ ល្មមដែរ ដែលខ្ញុំស៊ីដាច់។ ហះៗៗ…
មិនដល់បីនាទី ខ្ញុំក៏មកដល់ផ្ទះវិញ។ មិញដោះ ឥឡូវរៀបចំតម្លើងវិញម្តង។ ចាំមើលស្នាដៃអាពៅតិចមើល៍ ថាវាយ៉ាងម៉េចដែរ?
«ចេញទឹកហើយៗ! យេ៎!!!!!»
ខ្ញុំក៏ប្រញាប់យកធុងមកសប់ទឹក។ ង៉ោងៗៗ… សំឡេងស្នប់លាន់ឮង៉ោងៗ… សប់ទឹកបានបីធុង… អាង៉ោងៗហ្នឹង ក៏បាត់ខ្លួន។ ហះៗ អណ្តូងទឹកខូចទៀតហើយ!
លើកទីមួយមិនសម្រេច។ លើកទីពីរក៏មិនសម្រេច។ បានតែបីធុង ឬក៏លើសតិចតួច ទឹកក៏លែងសប់ចេញ។
«អ៊ឺម! ឈប់ធ្វើហើយហ្អា៎! ទៅរៀនល្អជាង» ថាហើយ យកទូរសព្ទអិនចុចពិលមកមើលម៉ោង… ចុម៍យក្ស! យឺតដដែល ម៉ោង៦កន្លះហើយហ្នឹង!
ទីបំផុត ខ្ញុំទៅរៀនយឺតដដែល។ ម៉ោង៧ ដល់សាលា។ អង្គុយរៀនបានកន្លះម៉ោង ក៏ត្រឡប់មកផ្ទះ។
អណ្តូងអើយអណ្តូង! សង្ស័យតែឯងកាត់មករកម្ចាស់ទេដឹង? តែបើចង់ខ្ជិល ខ្ជិលតែមួយថ្ងៃបានហើយ កុំឡើយដល់ស្អែក។ ប្រយ័ត្នខ្ញុំហៅប្រុសស្អាត ឲ្យចូលមកដណ្តឹងឯង 😀
កុំអាល… បង រកប្រពន្ធមិនទាន់បានផង, ប្អូនអែង កុំអាលចង់បានប្ដីអីណា…
មានណា? មានចង់បានណា? គេចង់រកប្តីឲ្យអណ្តូងស្នប់សោះ ថាគេចង់បាន។ យ៉ាប់មែន អាបងភ្នែកយ៉ាប់ 😛
ហិហិហិ… ថាចង់បាន ក៏ថាទៅ, បង ក៏មិនប្រកាន់អីដែរ
មិនបាច់រកលេស ដោះសារថា រកប្ដីអោយ អណ្ដូងទឹកស្នប់
អីទេ ។ បង ចង់បានប៉ាពន្ធដែរហ្នឹង, តែរកមិនទាន់ឃើញ ចឹងហើយ
ទើបចង់ឃាត់អាប្អូនអែង អោយនៅក្រៀមសិន ,កុំអាលមានប្ដី
ធ្វើអី , ចាំជួយរក ភរិយា អោយអាហៀ បានមុនសិនណា…lolzzz
ហះៗៗៗ… ទាល់តែយូរ 😀
😭😭😭😭😭😭😭😭
យូរចឹងមែន, ជាតិនេះ បង ប្រាកដជារស់នៅ ឥតន័យមិនខានទេ
វាមិនដែល! ជីវិត មិនប្រាកដថា មានគ្រួសារ បានមានន័យនោះទេ 😀
១.ជួញជិតល្អជាងឆ្ងាយ កុំសោកស្តាយយកពៅទៅ ព្រោះពុកគ្នាមិននៅ ប្រុសបងត្រូវជួយនាងផង។ ២.គ្រាន់បានជួយរែកទឹក យប់ល្ងាចព្រឹកបាត់សៅហ្មង បានពៅបងត្រកង ឯប្រុសបងក៏មានគ្នា។
អីយ៉ា … ផ្ដាសាយមិនឈប់ នឹកស្មានថា
មកពីត្រជាក់ ទ្រាំទ្រមិនបាននឹងអាកាសធាតុទេតើ , តាមពិត
មិនមែនសោះ …គឺថា …គឺថា មកពីនៅទីនេះ ឈ្មោះខ្ញុំ ត្រូវគេ
លើកមកពណ៍នា រៀបជាវគ្គឃ្លោងឃ្លា អញ្ចឹងតើអេះ …
អាហិហិ … ពៅ ប្អូនស្រីបង … បើសិនមានពេលវេលាទំនេរ
ចាំបង ទៅរែកទឹក ដាក់ពាង ជូនលោកអ៊ំស្រីនិងប្អូន ក៏មិនអីដែរ ។
កាលនៅខ្មែរ បង រែកទឹកស្រោចបន្លែ ដងទឹកដាក់ពាង ញឹកញាប់
ដែរហ្នឹងអី … ទំនេរ រែកទឹកដាក់ពាង ប៉ុន្មានធុងជូនពួកប្អូន មិនជា
ធ្ងន់ធ្ងរ អ្វីឡើយ .. ប៉ុន្ដែពាក្យទាំងនេះ ប្អូនកត់ទុកទៅក្នុងបញ្ជី ជាមួយ
ពាក្យសន្យាជូនមី នោះផងទៅណា …ក្រែងល បងភ្លេច ប្អូន អាចរំលឹក
បងបាន កាលបើបង ទៅលេងស្រុកខ្មែរ …
មួយរយៈនេះ ត្រូវជាឱកាសបុណ្យចូលឆ្នាំចិន , ទំលាប់តាមធម្មតា
បង មិនសូវនៅផ្ទះទេ .. ម្សិលមិញ មកដល់កន្លែងស្នាក់នៅវិញ
ថ្ងៃនេះទំនេរ ទើបបានឆ្លើយតប ទៅកាន់ប្អូន និងរៀមច្បង កវីស្រី …
សុំទោសផង សម្រាប់ការយឹតយ៉ាវ តបតសេចក្ដី ជាមួយអ្នកទាំងពីរ ..
មិនអីទេ! គ្មាននរណាថាអីផង ប្រញាប់តែភ័យ 😀
១.ម៉េចឃើញទេ!ឃើញទេ!អាពៅ..? ឥលូវបងត្រូវគេវ៉ៃបកហើយ បងស្តីលេងសើចគេប្រកាន់ឆ្លើយ ភ្លេចគិតមុខក្រោយប៉ះចំខ្ទួយទិច។
២.ធ្វើម្តេចបើគាត់មិនស្គាល់បង លេងសើចនួនល្អងជ្រុលហួសភ្លេច ប៉ះចំមនុស្សខ្ទួយហាក់ចេះទិច ទោះបងចង់គេចតែឥតបាន។ ៣.ពៅអើយកុំភ្លេចបើគាត់មក សូមពៅពន្លកស្រស់កល្យាណ ប្រាប់បងដឹងផងកុំបីខាន ក្រែងរូបបងបានទឹកប្រើដែរ។ ៤.បងថាលេងៗស្រមៃគិត ឥលូវដូចពិតមានគេស្នេហ៍ ធានារែកទឹកដូចតាមញ៉ែ ឬចង់ស្និទ្ធក្បែរអាពៅហើយ។ ៥.បើខឹងកុំលេងលេងកុំខឹង ត្រូវគិតសញ្ចឹងមុនឆ្លងឆ្លើយ កុំស្តីអា,មឹង,មី,ដៀលឲ្យ ខ្ញុំពិតខុសហើយអភ័យផង។ ៦.ធ្វើម្តេចខ្ញុំស្គាល់តែអាពៅ មានម្តាយបាត់ឪជួបគ្នាម្តង បង្អាប់ជ្រុលហួសជ្រួសលើបង សូមកុំសៅហ្មងអាណិតខ្ញុំ។
១.ពៅអើយចង់បានប្តី គួរគប្បីកុំមើលឆ្ងាយ ប្រុសណាប៉ិនលែបខាយ គួរឆោមឆាយញ៉ែយកទៅ។ ហាស!ហាស់!ហា! (មើលបងរៀនផឹកទឹកតែទៅ)
ឱប្រុសបងណា លែបខាយកន្និដ្ឋា ប្រយ័ត្នខ្លួនទៅ ស្ទឹងត្រែងមិនឆ្ងាយ មិនពិបាកផ្លូវ ប្រយ័ត្នប្អូនពៅ ចាប់បងបោចសក់ 😀
១.កុំខឹងបងអី រៀនផឹកតែស្តី លែបខាយប្អូនទេ បងមិនហ៊ានល្បង នួនល្អងកុំជេរ បងពិតខ្លាចគេ បោចសក់បងណាស់។ ហាស!ហាស់!ហា! ផ្តល់គំនិតឲ្យហើយមិនសុខចិត្តទៀត។
ដូចប្អូនប្រាប់បង រឿងគូមិនផ្សង មិនចង់ដឹងឡើយ ជីវិតប្អូនយ៉ាប់ មិនឲ្យគេឆ្លង ធ្វើជាគូគ្រង របស់ពៅឡើយ។
ដរាបណាខ្ញុំមិនទាន់រឹងមាំ រឿងគូគ្រង សុំគ្រវាត់ចោល ទៅកៀនប្រលោះជញ្ចាំងមួយឡែកសិន ហះៗៗៗ
១.មែនហើយឲ្យតែច្បាស់ កុំក្រឡាស់ភ្លេចសម្តី នៅយូរចាស់អប្រិយ ចង់បានប្តីសុំបងជួយ។
២.ពិតជាទាត់បីជើង ឲ្យចេញភ្លើងហាមរំអួយ អង្គុយកើយទុក្ខព្រួយ គ្មានអ្នកជួយចាស់ហួសពេល។ ហាស!ហាស់!ហា!
បើមិនចង់បាន មិនដឹងធ្វើម៉េចទេ 😀
អត់មាននរណារែកទឹកដាក់ពាងសោះ ចឹងបានអត់ទឹកប្រើ !
រឿងហ្នឹង មិនដឹងធ្វើម៉េចទេ…