2 មតិ

របត់​ជីវិត​ថ្មី​

៣ វិច្ឆិកា ២០១២

មិន​ដឹង​ថា​របត់ជីវិត​ថ្មី​របស់​ស្មៅ​មួយ​នេះ អាច​កាច់​ចុះ​កាច់​ឡើង​បាន​យូរ​ប៉ុណ្ណា​ទៀត​ទេ។​

ស្មៅ​ហត់… ស្មៅ​ហត់​មែន… ស្មៅ​ហត់​នឹង​លែង​ចង់​ក្លាយ​ទៅ​ជា​ស្មៅ​ពូកែ​ទ្រាំ​។ ស្មៅ​​ហត់​​នឹង​ភាព​ដែល​គ្មាន​ទឹក​គ្រប់គ្រាន់ គ្មាន​ពន្លឺ​គ្រប់គ្រាន់។ ស្មៅ​ហត់​នឹង​ភាព​ដែល​ត្រូវ​គេ​ដើរ​ជាន់​ម្តង​ហើយ​ម្តង​ទៀត។

កន្លង​ទៅ​ប៉ុន្មាន​ខែដែល​ស្មៅ​​ខាន​សរសេរ​ប្លក់​នេះ វា​ជាពេល​វេលា​ដែល​ស្មៅ​វេទនា​ចិត្ត​ជាង​ពេល​ណាៗ​ទាំង​អស់។ស្មៅ​ដែល​ធ្លាប់​តែ​មានពួក​ស្រូវ​ពួក​ម្អម​ជា​មិត្ត សុខៗ​ស្មៅ​ក៏​ត្រូវ​បាន​ជម្លៀស​ឲ្យ​ទៅដុះ​នៅ​ទីផ្សេង ដែល​ខ្លួន​ឯកោ គ្មាន​ទឹក​គ្រប់គ្រាន់ គ្មាន​ពន្លឺ​គ្រប់គ្រាន់។​ ស្មៅ​ពិតជា​ចង់​រក្សា​ពេលវេលា​ល្អ​ៗ​នៅ​ជាមួយ​ពួក​ស្រូវ​ពួក​ម្អម​ឲ្យ​បាន​យូរ​ណាស់។ តែ​គួរ​ឲ្យ​ស្តាយ! ស្មៅ​នេះ​មានះ មិន​ស្តាប់​តាម​សម្តី​របស់​ពួក​ស្រូវ​ពួក​ម្អម ដោយ​សម្រេច​ទៅ​ដុះ​នៅ​ទីមួយ​ផ្សេង​ទៀត ដើម្បី​ស្វែង​យល់ពី​វាល​ស្រែ​​ថ្មី។​

វាល​ស្រែ​ថ្មី​ដែល​ស្មៅ​​កំពុង​តែ​ស្វែង​យល់​នោះ គ្មាន​អ្វី​ប្រសើរ​សោះ ក្រៅ​ពី​ធ្វើ​ឲ្យ​ស្មៅ​មាន​វិប្បដិសារៈ។ កាល​នៅ​វាល​ស្រែ​ចាស់ ថ្វី​ត្បិត​តែ​ពិបាក​លូត​លាស់​បន្តិច តែ​ស្មៅ​ក៏​មាន​ក្តី​សុខ ដោយ​មាន​ការ​យក​អាសារ ការ​ការពារ និង​ការ​ចែក​រំលែក​ពី​​មិត្ត​ស្រូវ​ម្អម។ ពេល​ស្មៅ​គ្មានអ្វី​បរិភោគ ​ស្រូវ​ក៏​ចែក​រំលែក ម្អម​ក៏​ចែក​រំលែក។ ស្មៅ​ពិត​ជា​សប្បាយ​ចិត្ត​ណាស់ ជា​ពិសេស​ពេល​ដែល​ស្មៅ​យំ ​មាន​ស្រូវ​ម្អម​​បន្លប់​ធ្វើ​ឲ្យ​សើច​បាន។

ឥឡូវ​នេះ ទោះ​សប្បាយ​ចិត្ត​ក្តី មិន​សប្បាយ​ចិត្ត​ក្តី ស្មៅ​មាន​តែ​លាក់​ទុក ឬ​ក៏​សរសេរ​ចារ​នៅ​លើ​ហ្វេសប៊ុក​មួយ​ឆាវៗ​តែ​ប៉ុណ្ណោះ។ មិន​ដឹង​ថា ស្មៅ​អាច​ទ្រាំ​បាន​យូរ​ប៉ុណ្ណា​ទៀត​ទេ ចំពោះ​ភាព​ឯកោ​នេះ​។​ សង្ឃឹម​ថា​អាច​​ទ្រាំ​បាន​រហូត​ដល់​ស្មៅ​ដាច់​ឬស​ទៅ​ចុះ!​

2 comments on “របត់​ជីវិត​ថ្មី​

  1. ឱ!ប្អូនស្មៅអើយកុំលំបាកចិត្តអី!នៅទីណាក៏ដូចទីណាដែរ!គ្មាននរណាលើកទឹកចិត្តយើងល្អប្រសើរជាងរូបយើងឡើយ។ការលំបាកតែងកើតមានគ្រប់ជិវីតបើយើងគេចផុតថ្ងៃនេះគង់អាចជួបថ្ងៃស្អែក,ខាងស្អែក.ខែនេះ​.ឆ្នាំនេះ………….?ជៀសមិនផុតឡើយ យើងត្រូវធ្វើជាស្មៅរឹងមាំមិនបានកំលាំងកាយតែត្រូវតែរឹងមាំកំលាំងចិត្តការព្យាយាមដល់កំរិតណាផលសម្រេចបានដល់ទីនោះ។ដូចពាក្យបុរាណពោលមួយឃ្លាថា (គ្មានសត្វម្រឹគណារត់បោលចូលមាត់សិង្ហកំពុងដេកលក់ទេ)។ ទុក្ខព្រួយទុក្ខសោក បញ្ហាផ្សេងៗក៏អាចធៀបបានដូចនោះដែរ គឺថាសុខឬទុក្ខវាអាស្រ័យលើចិត្តរបស់យើងទេ បើយើងចង់ឲ្យវាសុខគឺសុខ តែបើចង់ឲ្យវាទុក្ខក៏ទៅជាទុក្ខភ្លាម។ គ្រប់បញ្ហាទាំងអស់សុទ្ធតែមានហេតុនិងផលរបស់វា ហើយនិងដំណោះស្រាយ សួរថាប្អូនស្មៅព្រមទទួលយកដោះស្រាយជាមួយលទ្ធបានឬអត់? ងាយទេប្អូនបើចង់ដោះបញ្ហាចង់ឬស្រាយវាអាស្រ័យលើស្មៅទេ។ ជីវិតមិនអាចចាំតែពឹងគេរហូតទេគេអាចមិនពេញចិត្តយើងនៅថ្ងៃណាមួយជាក់មិនខានឡើយ។ អ្នកដែលពឹងបាននោះមានតែខ្លួនយើងទេជាអ្នកពិសេសបំផុត។

    ត្រូវតែរឹងមាំណាប្អូនស្មៅ តូចតែកាយទេណា ចិត្តមិនតូចមិនទន់ជ្រាយទេណា!

    នរណាក៏ធ្លាប់ឈឺដែលជៀសមិនផុតឡើយ។

    សូមសំណាងល្អណាប្អូនស្មៅតូច សូមរីករាយគ្រប់ពេលណា

    លីម ចំរើន

  2. ស្មៅ

    មិន​យូរ​ទេ​អ្វី​ៗ​គង់​នឹង​ប្រសើរ​ឡើង​ជា​មិន​ខាន។ សង្ឃឹម​ថា​ស្មៅ​នឹង​អត់​ទ្រាំ​ព្រោះ​ដំបូង​ឡើយ ស្មៅ​ខ្លួន​ឯង​ជា​អ្នក​សម្រេច​ចិត្ត​ដើរ​មក​រក​របត់​ថ្មី​នេះ។

    សំណាង​ល្អ
    រចនា

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out /  ផ្លាស់ប្តូរ )

Google photo

អ្នក​កំពុង​បញ្ចេញ​មតិ​ដោយ​ប្រើ​គណនី Google របស់​អ្នក​។ Log Out /  ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out /  ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out /  ផ្លាស់ប្តូរ )

កំពុង​ភ្ជាប់​ទៅ​កាន់ %s

<span>%d</span> bloggers like this: