2 មតិ

ព្យាយាម​​ស្វែង​រក

ខ្ញុំនៅ​តែ​សុំ​ចោទ​សំណួរ​ដដែល៖ តើ​អ្វី​ទៅ​ជា​ស្នេហា? តើ​ពេល​ណា​ដែល​ខ្ញុំ​​ចេះមាន​ស្នេហា​ពិត​ប្រាកដ​​​ហ្នឹងគេ?

ខ្ញុំដឹង វា​មិន​មែន​ជា​ទម្លាប់​ល្អ​នោះ​ទេ ដែលចូល​ចិត្ត​រអ៊ូ​ ចូល​ចិត្ត​បើកកកូរកកាយ​រឿង​ផ្ទាល់​ខ្លួន​ឲ្យ​អ្នក​ដទៃ​បាន​ដឹង… តែធ្វើម៉េចហ៎ បើខ្ញុំជាមនុស្ស​បែប​នេះ!

ព្យាយាម​ស្វែង​រក?​ តើ​ស្វែង​រកអ្វី​ទៅ? តើ​ខ្ញុំ​កំពុង​តែស្វែង​រករបស់​ឬ?​ អត់​ទេ! ខ្ញុំកំពុង​តែ​ស្វែង​រក ថាខ្លួន​ខ្ញុំ ជានរណា? តើ​ខ្ញុំស្រឡាញ់អ្នក​ណា​? ហើយ​អ្នក​ណា​នឹង​ក្លាយ​ទៅ​ជា​គូ​ជីវិត​របស់​ខ្ញុំ?

មាន​កាលមួយ​នោះ មិត្តភក្តិប្រុស​របស់​ខ្ញុំម្នាក់ បាន​សួរ​ខ្ញុំថា តើ​ខ្ញុំ​អត់​ចូល​ចិត្តបុរសមាឌ​ធំៗ មាន​សាច់​ដុំទ្រូង ឬ​សាច់​ដុំស្អី​ទេ​ហេ៎? ខ្ញុំ​​​ក៏​ឆ្លើយ​ទៅ​វិញ​ម៉ាត់ៗ៖

«ឲ្យ​តែ​ឃើញ ​ព្រឺ​សម្បុរ​បាត់​ទៅ​ហើយ! មិន​ដឹង​ថា​ចង់​បាន​វា​មក​ធ្វើ​អី? សាច់​ដុំធំៗ មើល​ទៅ​ដូច​ជា​គីង​កុង!»

«ចឹងចូលចិត្ត​មនុស្ស​ប្រុស​មាឌ​តូចៗ​ហ៎?»

«មិន​ដឹង​ផង! បើ​មិន​ដែល​ចាប់​អារម្មណ៍​ផង ម៉េច​ដឹង?»

សុំ​ស្លេះ! ចូល​មក​ដល់​ឈុត​មួយ​ទៀត ឈុត​ដែល​ខ្ញុំ​សង្ស័យ​ថា ​ខ្លួន​ឯង​ជា​មនុស្ស​ស្រី​ស្រឡាញ់​ស្រី ដែល​ចរិតប្រុស (LB)…

«ខ្ញុំ​ធានា​មួយ​រយ​ភាគ​​រយ ថា​ឯង​មិន​មែន​នោះ​ទេ» មិត្តខ្ញុំអង្គុយ​លួង​ខ្ញុំ ពេល​ដែល​ខ្ញុំ​ពិបាក​ចិត្ត។

«តែ​ខ្ញុំ​ចូល​ចិត្ត​​​​​​​ស្លៀក​ពាក់​ស្រដៀងៗ​ពួក​LBដែរ​ហ្នឹង!»

«តែឯង​ចូល​ចិត្ត​មើល​បាល់​ វាយ​បាល់ វាយ​ទាត់​ធាក់អី​អត់?»

«អត់​ផង!»

«តើ​​​​ឯងនៅ​ជិត​ស្រី មាន​អារម្មណ៍​​ច្រលើមអត់?»

«យ៉ា​ហ៊ី! ម៉េច​ក៏​សួរចឹង? អាហ្នឹង​ រឹតតែអត់​ដែល!»

«ចង់​មាន​ន័យ​ថា ឯងមិន​មែន​ហើយ!»

រយៈ​ពេល​ក្រោយៗមក ជា​ពិសេស​​បន្ទាប់ពី​ឆ្លងកាត់​វគ្គ​បណ្តុះ​បណ្តាល ត្រង់​ចំនុច​និយាយ​អំពី​ភេទ​ យេនឌ័រ និង​អត្តសញ្ញាណភេទ​​មក ខ្ញុំក៏​បាន​យល់​ច្បាស់!​ មិន​ប្រាកដ​ថា មនុស្ស​ស្រី​ដែល​ចូល​ចិត្តតុប​តែង​ខ្លួនដូច​LBនោះ ជា​មនុស្ស​ស្រី​ស្រឡាញ់​ស្រី​ដែរ ព្រោះ​គាត់​អាច​ជា​មនុស្ស​ស្រី​ដែល​ស្រឡាញ់​ប្រុស​ ដូច​ជា​មនុស្ស​ស្រី​ធម្មតាឯទៀត​ក៏​ថា​បាន​។ ដូច្នេះ មនុស្ស​មិន​អាច​មើល​ពី​សម្បកក្រៅ​បាន​ទេ។​

បើ​និយាយ​ពី​អ្នក​ស្រឡាញ់​ភេទដូច​គ្នា គេ​ចែក​​ក្រុមមនុស្ស​ប្រភេទ​នេះ ជា​៦បក្ស ដោយ​អក្សរ​កាត់គឺ​ LGBTIQ​៖

  • L មក​ពី​ពាក្យ​ Lesbian សំដៅ​​ទៅ​លើ​ មនុស្ស​ស្រី​ស្រឡាញ់​ស្រី​ ហើយ​បែង​ចែក​ជា​ពីរ ដោយ​​LB សំដៅ​ទៅ​លើ​តួ​អង្គ​ដើរតួ​ជា​មនុស្ស​ប្រុស រីឯLG ដើរតួ​ជាមនុស្ស​ស្រី។ LB យើង​អាច​សម្គាល់​បាន ដោ​យ​ភាគ​ច្រើនការ​ស្លៀក​ពាក់ ដំណើរ​ អាកប្បកិរិយា​ ការកាត់​សក់​អី​ដូច​ជា​ប្រុស រីឯ​LG ក្នុង​មួយ​ជីវិត​របស់គាត់ ការ​តែង​ខ្លួន​របស់​គាត់ ដូច​ជា​មនុស្ស​ស្រី​ទូទៅ​ធម្មតាចឹង​ ដែល​ពិបាក​នឹង​មើល​ដឹង​ណាស់!
  • G មក​ពី​ពាក្យ​​ Gay សំដៅ​ទៅ​លើ​ មនុស្ស​ប្រុស​ស្រឡាញ់​ប្រុស​ ហើយ​​បែង​ចែក​ជាពីរបក្ស គឺបក្ស​សក់​វែង និង​បក្សសក់​ខ្លី​។​
  • B មក​ពី​ពាក្យ​ Bi-sexual សំដៅទៅ​លើ ​​អ្នក​​ស្រឡាញ់​ទាំង​ពីរ​ភេទ​​។​ គាត់ស្រឡាញ់​ទាំងប្រុស​ផង ស្រឡាញ់​ទាំង​ស្រី​ផង ដូច្នេះគាត់មាន​ជម្រើស។​
  • T មក​ពី​ពាក្យ​ Transgender សំដៅ​​ទៅ​លើ ​អ្នក​ប្តូរ​ភេទ​ ដោយ​ប្តូរ​ពី​ប្រុស មកជាស្រី ឬក៏​ពី​ស្រី ទៅ​ជា​ប្រុស។ ឧទា. ប៉ុបពី នៅ​កម្ពុជា…
  • I មក​ពី​ពាក្យ​ Intersex សំដៅ​ទៅ​លើ​​ អ្នក​ដែលកើត​មក​មាន​ប្រដាប់​ភេទពីរ​ (យោនី និង​លិង្គ)។​ ឧទា. Lady Gaga?????
  • Q​ មក​ពី​ពាក្យ​ Queer/Questioning សំដៅ​ទៅ​លើ​ អ្នកដែល​មិន​ទាន់​ដឹង​ថា ខ្លួន​ឯងជា​នរណា។​ ជាមនុស្ស​ស្រឡាញ់​ភេទ​ដូច​គ្នា?​ ជា​មនុស្ស​ស្រឡាញ់​ទាំង​ពីរ​ភេទ? ឬ​ក៏​ជា​មនុស្ស​ស្រឡាញ់​ភេទផ្ទុយ​គ្នា?​

ខ្ញុំគ្រាន់​តែ​ដឹង​ថា ពេល​នេះ ខ្ញុំជា​Q។ ខ្ញុំពិត​ជា​មិន​ដឹង​មែន ថាខ្ញុំស្រឡាញ់​ប្រុស ឬក៏​ស្រី… កាញាញ់ខួរ​ហើយ ថែមទាំងកាញាញ់​ទៀត ដោយ​នៅ​សុខ​ៗ ស្រាប់​តែមាន​ LB ម្នាក់​មក​ ដាប់​បលយូ ដាប់​បល​អូ​ (woo) កាល​ពី​ល្ងាច (ចិត្ត​ងាយ​ដែរ​ហ្នឹង ឲ្យ​គេ​ញ៉ែ ញ៉ែគេវិញ​! យ៉ាប់!)… កាល​មុន មាន​LG ញ៉ែ អាឡូវ​ LB ម្តង… តើ​ខ្ញុំ​ជា​ស្អី? តើ​​គេ​ជា​ស្អី?​ កំពុង​តែវង្វេង ​មិន​ដឹង​ថា ខ្លួន​ឯងជា​នរណា​ផង មក​ថែម​ឲ្យ​ខ្ញុំ​រឹត​តែ​វង្វេង។ ស្មុគ! ស្មុគ!

សង្ស័យ​លេង​ទៅ​ចុះ! ប្រហែល​ខ្ញុំអាច​ជា​LGក៏​ថា​បាន! ចាត់​ទុក​ថា ផ្តល់ឱកាស​ឲ្យ​ខ្លួន​ឯង​ សម្រាប់​ពិសោធ និង​ស្វែង​រក​ខ្លួន​ឯង​ថា​ជានរណា? YES or NO?

2 comments on “ព្យាយាម​​ស្វែង​រក

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out /  ផ្លាស់ប្តូរ )

Google photo

អ្នក​កំពុង​បញ្ចេញ​មតិ​ដោយ​ប្រើ​គណនី Google របស់​អ្នក​។ Log Out /  ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out /  ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out /  ផ្លាស់ប្តូរ )

កំពុង​ភ្ជាប់​ទៅ​កាន់ %s

<span>%d</span> bloggers like this: